Os oes elfen o wasanaethau diabetes yr ydych yn teimlo'n gryf amdani, beth am ddechrau eich ymgyrch leol eich hun? Gallwn roi cyngor i chi ar ddeunyddiau darllen a argymhellir, sut i ddylanwadu ar y GIG, pwy y mae angen i chi gysylltu â nhw a sut y gallwch wneud gwahaniaeth.
Sut i ddechrau ar eich ymgyrch eich hun
1. Ystyriwch elfen o wasanaethau diabetes rydych yn teimlo bod modd ei gwella, er enghraifft:
- Trafferthion wrth gael pwmp inswlin
- Problemau cael meddyginiaeth ar amser
- Anodd dweud eich dweud o ran eich gofal iechyd
- Addysg well i bobl â diabetes
- Diffyg nyrsys diabetes yn eich ardal
- Peidio â chael y gofal rydych yn ei haeddu
2.Edrychwch ar beth mae gwirfoddolwyr eraill wedi'i gyflawni trwy ymgyrchu
3.Cysylltwch â ni a byddwn yn rhoi'r holl gymorth ac arweiniad y mae arnoch ei angen
4. Dechreuwch!
Neu helpwch ag un o'n hymgyrchoedd presennol, dyma sut –
- Ymunwch â phwyllgor lleol, er enghraifft eich Grŵp Cyfeirio Cleifion
- Ymgyrchwch ar-lein ar Facebook, Twitter neu flog
- Siaradwch â Gweithwyr Gofal Iechyd Proffesiynol ynghylch sut y gallant helpu
- Dewch i hyfforddiant Lleisiau Diabetes gyda ni
- Ysgrifennwch at eich Aelod Cynulliad
- Ysgrifennwch at gorff arall sy'n gwneud penderfyniadau megis eich Bwrdd Iechyd Lleol neu'ch ysbyty
- Ewch i ddigwyddiad
- Ewch i gwrdd â'ch Aelod Cynulliad
Golwg ar Ddiabetes
Gallwch hefyd gymryd rhan mewnGolwg ar Ddiabetes, sef ein harolwg ar-lein. Rydym yn cynnal nifer o arolygon drwy gydol y flwyddyn ar amryw dopigau ac os ydych wedi cofrestru ar Lleisiau Diabetes, byddwn yn rhoi gwybod i chi pan fo arolwg newydd wedi cychwyn.
Sicrhewch eich bod yn cadw mewn cysylltiad ac yn dweud wrthym am beth sy'n digwydd yn eich ardal leol. Rydym yn cael mwy o effaith wrth gydweithio a gallwn roi gwybod i chi am ymgyrchwyr eraill yn eich ardal. Rydym yma i'ch helpu!